ئومێد حه‌مه عه‌لی: ده‌بێت پرۆژه‌مان هه‌بێت بۆ ئه‌وه‌ی ئه‌و بارو دۆخه‌ی ئێمه گومانی لێ ده‌که‌ێن
له‌م دوایانه‌دا زۆر وڵاتان له نێوانیاندا ئه‌مه‌ریکا ئاماده‌گی خۆیان ده‌ربری بۆ یارمه‌تی دانی هه‌رێمی کوردستان له رووی چه‌که‌وه، به‌ڵام که‌سانێکی زۆر نگرانن و گومانیان هه‌یه ئه‌م چه‌کانه به ده‌ستی کێ ده‌گات و چ ده‌ر ئه‌نجامێکی لێ بکه‌وێته‌وه.
ئومێد حه‌مه عه‌لی ئه‌ندامی په‌رله‌مانی هه‌رێمی کوردستان له‌سه‌ر لیستی گۆڕان له هه‌ڤپه‌ێڤینێکدا له‌گه‌ڵ به‌شی کوردی ده‌نگی ئه‌مریکا ده‌ڵێت" ئه‌وه‌ی په‌ێوه‌ندی داره به هاوکاری سه‌ربازی بۆ هه‌رێمی کوردستان، ئێمه وه ئه‌وه‌ی خه‌ڵکی کوردستان رای لێه، زۆر به گرنگ ته‌ماشای ئه‌کا و وه‌ک بزوتنه‌وه‌ی گۆڕانیش بێگومان وه‌کو هاوکاریه‌کی پێویست ته‌ماشای ئه‌که‌ێن و سوپاسی هه‌ر یه‌ک له‌و ده‌وڵه‌تان ده‌که‌ێن که هاوکاری هه‌رێمی کوردستان ده‌که‌ن له رووی سه‌ربازیه‌وه بۆ روبه‌رووبۆنه‌وه‌ی تیرۆریسته‌کانی داعش. کاک ئومێد سه‌باره‌ت به گومانه‌کان ده‌ڵێت بێگومان ئه‌وه به‌شێک له‌و نگرانیانه‌یه وه‌کو باسی ئه‌که‌ێت وه یاخود له‌و گومانانه‌یه که هه‌ندێک خه‌ڵک له‌سه‌ر ئه‌م مه‌سه‌له‌یه هه‌یانه، به‌ڵێ راسته له‌سه‌ر هه‌ر پرۆسه‌یه‌کی سه‌ربازی، سیاسی، کۆمه‌ڵایه‌تی گومانمان هه‌بێ، به‌ڵام له هه‌مان کاتدا پێویسته پرۆژه‌مان هه‌بێ بۆ ئه‌وه‌ی ئه‌و بارو دۆخه ئێمه گومانی لێ ده‌که‌ێن باشی بکه‌ێن وه ئه‌و بارو دۆخه‌ی گومانی لێ دهه‌که‌ێن بێته ئاراوه ئێمه رێگای لێ بگرین".
