مامۆستایانی ناڕازی سلێمانی ئەمڕۆ دووشەممە له بەردەم بەڕێوەبەڕێتی پەروەردەی ڕۆئاواوە بە ڕێپێوان بەڕێکەوتن بۆ بەردەم نوسینگەی مەکتەبی سیاسی یەکگرتووی ئیسلامی کوردستان و تێیدا داوایان لەو حیزبە کرد هەڵوێستی جدی هەبێت لەسەر داخوازی مامۆستایان.
یەکگرتووی ئیسلامی بە وەزیرێک و پلەیەکی وەزیری لە کابینەی حکومەتدا بەشدارە، ئەگەرچی بەردەوام ڕەخنە و گازەندە دەگرێت، بەڵام تائێستاش دوو وەزیرەکەی لەناو حکومەتدا کارەکانیان بەڕێوەدەبەن.
مامۆستایان جەخت لەسەر داواکارییەکانی خۆیان دەکەنەوە. مامۆستا هەورامان نیعمەت ئەندامی ئەنجومەنی مامۆستایانی ناڕازی دەڵێت ناڕەزای و خۆپـیشاندان و توڕەیی خەڵک بەردەوام دەبن هەتا قەیرانی دارایی و سیستەمی پاشەکەوتکردنی موچە و کێشەی سیاسی بەردەوامبێت.
جێی باسە پـێشتر مامۆستایانی ناڕازی بە مەبەستی گەیاندنی داواکارییەکانیان بە ڕێپێوان چونە بەردەم بارەگای مەکتەبی سیاسی یەکێتی نیشتمانی کوردستان و مەکۆی سەرەکی بزوتنەوەی گۆڕان و هەفتەی ڕابردوش پارتی دیموکراتی کوردستان هۆشداری دایە مامۆستایانی ناڕازی کە چوننە بەردەم بارەگاکانیان هێڵی سوورە.
