ژمارەیەک خوێندکاری کورد باس لە ئەزموونی سەردانەکەیان بۆ وڵاتی چین دەکەن

حکومەتی هەرێمی کوردستان لەم ساڵدا دە خوێندکاری ڕەوانەی وڵاتی چین کرد بۆ ئەوەی نوێنەرایەتی کوردستان بکەن و هەروەها ڕایەڵەی پەیوەندی لەگەڵ وڵاتی چیندا بنیات بنێن ، ئەمەش لە پێناو ئەوەی پرۆگرامی ئاڵوگۆڕی خوێندکاریان هەبێت.

خوێندکارانی کورد لە چین

ڕەڤین دۆسکی لە بەشی کوردی دەنگی ئەمەریکا گفتوگۆی لەگەڵ ژمارەیەک لەو خوێندکارانە کردوە ئەوانەی بەشێکن لەو پرۆگرامە و سەردانی چینیان کردبوو ، بۆ ئەوەی باس لە ئەزمونی سەردانەکەیان بۆ چین بکەن و ئەوان چۆن یاریدەدەربن لە هێنانی ئەزمونی زیاتر بۆ کوردستان. ئەم خوێندکارە لاوانە گەرەکیانە توانایی زانستی خۆیان لە شتی بەکەڵکدا وەگەڕبخەن لە رێگەی ڕازیکردنی گەنجان لە کوردستان تا بۆ خوێندن ڕوو لە وڵاتانی جیاواز بکەن ، بۆ ئەوەی بە کەلتوری هەمەچەشنە ئاشنا بن.

خوێندکاران؛ ڕەند کاوە ، ڕامێن خەسرەو و ژینا عەڤدال باس لە نەبوونی سیستیمی پەروەردە لە کوردستان دەکەن و هەروەها چۆن حکومەت بتوانێت پرۆگرامی ئاڵوگۆڕی خوێندکاران باش بکات و چۆنیش ئەم پرۆگرامانە کاریگەریان لەسەر لاوانی کوردستان دەبێت.

زانیاری زیاتر لە دەقی وتووێژەکەدایە:

دەقی وتووێژ لەگەڵ ژمارەیەک خوێندکاری کورد