پشتیوانانی حیزبوڵڵا له‌ عه‌ره‌بستانی سعودیه‌ ده‌رده‌کرێن

نوێنه‌ری عه‌ره‌بستانی سعودیه‌ بۆ لوبنان ڕایگه‌یاند شانشینه‌که‌یان ئه‌و هاووڵاتییه‌ لوبنانیانه‌ی پشتیوانی له‌ گروپی ملیتانی حیزبوڵڵای لوبنانی ده‌که‌ن ده‌گێڕێته‌وه‌ به‌هۆی ڕؤڵیان له‌ شه‌ڕی ناوخۆی سوریادا.
باڵیۆز عه‌لی عه‌واد ئه‌سیری ڕۆژی چوارشه‌ممه‌ له‌ به‌رنامه‌یه‌کی ته‌له‌فیزیۆنی لوبنانیدا ڕایگه‌یاند " عه‌ره‌بستانی سعودییه‌ ئه‌و که‌سانه‌ ده‌گێڕێته‌وه‌ که‌ پشتیوانی دارایی پارته‌که‌ ده‌که‌ن". به‌ڵام ئاماژه‌ی به‌وه‌ نه‌کرد که‌ی ئه‌و هه‌نگاوه‌ ده‌نێن.
عه‌ره‌بستانی سعودیه‌ پشتیوانێکی به‌هێزی ئۆپۆزسیۆنی زۆرینه‌ سوننه‌ی سوریایه‌ که‌ هه‌وڵی له‌سه‌ر کار لادانی به‌شار ئه‌سه‌د ده‌ده‌ن.
ده‌یان هه‌زار لوبنانی له‌ عه‌ره‌بستانی سعودیه‌ کار ده‌که‌ن.