ئێران که‌سێـک به‌ تاوانی سیخوڕی بۆ ئیسرائیل ده‌سـتگیرده‌کات

ئاژانسه‌کانی ده‌نگ‌وباسی ئێران ده‌ڵێن هێزه‌کانی ئاسایشی وڵاته‌که‌یان پـیاوێـکیان ده‌سـتگیرکردووه‌ به‌ تاوانی سیخوڕی بۆ ئیسرائیل.
ئاژانسه‌کانی نیمچه‌ فه‌رمی مێهر و فارس ڕۆژی دووشه‌ممه‌ گوتیان ئه‌م که‌سه‌ له‌ بواری بازرگانی له‌ باشوری ڕۆژهه‌ڵاتی ئاسیا کاری کردووه‌ و له‌ دوایـین سه‌ردانیدا بۆ تایله‌ند کۆمه‌ڵێـک زانیاری داوه‌ به‌ ئه‌فسه‌رێـکی هه‌واڵگری له‌ باڵیۆزخانه‌ی ئیسرائیل له‌ بانکۆک.
ده‌شڵێن به‌نیازبووه‌ زانیاری له‌ باره‌ی ئابوری و کانه‌ کانزایـیه‌کانی‌ پارێزگای کرمان کۆبکاته‌وه‌، به‌ڵام شکستی هێناوه‌ و ده‌سـتگیرکرا.
ئاژانسه‌کان ناسـنامه‌ی که‌سه‌که‌ و کاتی ده‌سـتگیرکردنه‌که‌یان ئاشـکرا نه‌کرد.