د. مه‌حموود عوسمان: ئێران عێراق به‌ وڵاتی خۆی ده‌زانێ

نوری مالیکی سه‌رۆك وه‌زیری عێراق له‌ ڕۆژی چوارشه‌ممه‌ به‌ سه‌ردانێك گه‌یشته‌ تارانی پایته‌ختی ئێران. ژماره‌یه‌ك له‌ شیکه‌ران ده‌ڵێن مالیکی سه‌ردانی ئێرانی کردووه‌ بۆ به‌ده‌ستهێنانی پشتیوانی کۆماری ئیسلامی بۆ هه‌ڵبژادنه‌وه‌ی بۆ پۆسته‌که‌ی بۆ خولی سێیه‌م.
به‌ڵام د. مه‌حموود عوسمان ئه‌ندامی په‌‌رله‌مانی عێراق له‌ میانه‌ی گفتوگۆیه‌کدا له‌گه‌ڵ به‌شی کوردی ده‌نگی ئه‌مه‌ریکا گوتی به‌ بۆچوونی ئه‌و گه‌شته‌که‌ی مالیکی بۆ ئێران ئاساییه‌ وه‌ شتێکی وای لێده‌ست ناکه‌وێت. گوتیشی گه‌ر مالیکی ده‌یه‌وێت خولی سێیه‌م به‌ده‌ست بهێنێت ده‌بێت له‌گه‌ڵ پێکهاته‌کانی وڵاته‌که‌ی ڕێکبکه‌وێت نه‌ك بچێته‌ وڵاتان بۆ به‌ده‌ستهێنانی پشتیوانی.