ملیشیا ڕادیکاڵه‌کانی کۆمه‌ڵه‌ی ده‌وڵه‌تی ئیسلامی له عێراق و شام که سه‌ر به ئه‌لقاعیده‌ن هه‌وڵ ده‌ده‌ن ده‌ستیان به‌سه‌ر پاریزگای ئه‌نبار له عێراق بگرن که ئه‌ویش بۆته به‌ره‌نگارییه‌کی گه‌وره له به‌رده‌م حکومه‌تی مالیکی و له ڕێی ئۆپه‌راسیۆنه‌کانی له‌شکری ده‌یه‌وه‌ێت ناوچه‌که‌یان لێ پاکبکاته‌وه. شیکه‌ره‌وان ئاگاهی ده‌ده‌ن له مه‌ترسی ته‌شه‌نه‌کردنی ئه‌و ڕه‌وشه به‌ره‌و شه‌ڕێکی گه‌وره‌تری ناوخۆ له عێراقدا.
په‌رله‌مانتاری عیراقی شوان محه‌مه‌د، ئه‌ندامی لیژنه‌ی ئاسایش و به‌رگری له په‌رله‌مانی عێراق له میانه‌ی گفتوگۆیه‌کدا له‌گه‌ڵ به‌شی کوردی، حکومه‌تی عێراقی تاوانبارکرد که به گوته‌ی خۆی ده‌کرا بژاره‌ی تریان بگرتایه‌به‌ر به‌ر له کرده‌وه‌ی له‌شکری.
