ڕۆژی هه‌ینی شـاندێـکی هه‌رێمی کوردسـتانی عێراق به سه‌رۆکایه‌تی مه‌سعود بارزانی سه‌رۆکی هه‌رێم گه‌یشته ئه‌نقه‌ره‌ی پایته‌ختی تورکیا و له‌وێ له‌گه‌ڵ کاربه‌ده‌سـتانی باڵای تورکیا چه‌ند کۆبوونه‌وه‌یه‌کی سـازکرد، له‌وانه له‌گه‌ڵ سه‌رۆکی تورکیا عه‌بدوڵڵا گول و سه‌رۆک وه‌زیر ڕه‌جه‌ب ته‌یب ئه‌ردۆغان.
له وتووێژێـکدا له‌گه‌ڵ ده‌خیلی شه‌ممۆ له به‌شی کوردی ده‌نگی ئه‌مه‌ریکا، دکتۆر فوئاد حسێن سه‌رۆکی دیوانی سه‌رۆکایه‌تی گوتی شـانده‌که‌یان پـێـکهاتووه له وه‌زیری پـێشـمه‌رگه و وه‌زیری ناوخۆ و جه‌بار یاوه‌ر ئه‌مینداری وه‌زاره‌تی پـێشـمه‌رگه ئه‌مینداری گشتیی وه‌زاره‌تی پێشمه‌رگه‌ی حكومه‌تی هه‌رێمی كوردستان.
