ئه‌ندازیار و ئه‌ندام په‌رله‌مانی هه‌رێمی کوردستان سه‌رۆکی لیژنه‌ی شاره‌وانی و گه‌شتووگوزار و ئاسه‌واره‌کان ده‌ڵێت: له‌کوردستان بوودچه بۆ پرۆژه‌ی زۆر حه‌یاتی نه‌بێت خه‌رج ناکرێت، زۆرینه‌ی ئه‌و پرۆژانه‌ش ئیشکردنیان ڕاگیراوه، له‌ئێستاشدا حکومه‌تی هه‌رێمی کوردستان له‌سه‌رجه‌م وه‌زاره‌ته‌کانیدا زیاتر له 300$ ملێۆن دۆلاری ئه‌وبه‌ڵێنده‌رانه قه‌رزاره.
سه‌باره‌ت به‌پاره‌ی فرۆشتنی نه‌وت له‌به‌نده‌ره‌کانی تورکیاوه و له‌به‌نده‌ری جیهانه‌وه ده‌ست حکومه‌تی هه‌رێم ده‌که‌وێت و ده‌ست وه‌زاره‌تی سامانه سروشتیه‌کان ده‌که‌وێت و له‌ڕێگه‌ی ئه‌ویشه‌وه ده‌درێته وه‌زاره‌تی دارایی، ده‌ڵێت: به‌شی نه‌ک پرۆژه‌کانی وه‌به‌رهێنان و به‌ڕیوه‌بردنی کوردستان ناکات، به‌شی بوودجه‌ی مووچه‌خۆرانیشی ناکات، هه‌رێمی کوردستان و عێراق وڵاتێکن پشتیان به‌داهاتی نه‌وت به‌ستوه، کشتوکاڵ و پیشه‌سازی و گه‌شتیاری ئه‌مانه هه‌مووی پشت گوێخراون.
ده‌شلێت: حکومه‌تی هه‌رێم نه‌یتوانیوه زیره‌کانه مامه‌ڵه‌بکات، زیاتر له 1 ملێۆن و 600 هه‌زار مووچه‌خۆر له‌کوردستاندا هه‌یه، مووچه‌خۆره‌کانیش به‌هۆی کاریگه‌ری هه‌ڵبژاردنه‌کانه‌وه بوونه‌ته مووچه‌خۆر.
