نارین عه‌فرینی فه‌رمانده‌ی گشتی هێزه کوردیـیه‌کان له کۆبانی بووه‌ته جێی سه‌رنجی جیهان به‌و توانایانه‌ی هه‌یه‌تی له به‌ڕێوه‌بردنی شه‌ڕی دژی داعش له‌و شاره‌دا، که له هه‌موو لایه‌که‌وه به هێزه‌کانی داعش چوارده‌وره‌دراوه، جگه له‌و ڕێگه‌یه نه‌بێت که ده‌روازه‌ی کۆبانی به مورشیدبیناری تورکیا ده‌به‌ستێته‌وه.
ئه‌م خانمه که ناوی ڕاسته‌قینه‌ی مه‌یسا عه‌بدویه و ته‌مه‌نی 40 سـاڵه، به‌وه ناسراوه که‌سێـکی زیره‌ک و ڕۆشنبیر و له‌سه‌رخۆیه.
زانا عومه‌ر په‌یامنێری ده‌نگی ئه‌مه‌ریکا له قامیشلۆ وتووێژێـکی له‌گه‌ڵدا ئه‌نجامداوه.
