هێزه‌کانی پـێشـمه‌رگه تۆپـبارانی شوێنه‌کانی داعشیان کردووه له باشوری ڕۆژئاوای شاری که‌رکوک له ناوچه‌کانی مه‌لا عه‌بدوڵڵا و ڕه‌شاد و خالید.
ڕادیۆ سه‌وا له زاری سه‌رچاوه‌یه‌کی سه‌ربازیـیه‌وه ده‌ڵێت داعش هێزی له‌و ناوچانه کۆکردبۆوه به مه‌به‌سـتی هێرشکردنه سه‌ر سه‌نگه‌ره‌کانی پـێشـمه‌رگه، به‌ڵام به‌هۆی ئه‌و تۆپـبارانانه‌وه زیاتر له 150 چه‌کداری داعش کوژراون.
بۆ زانینی زیاتر سه‌باره‌ت به شه‌ڕه‌کانی قۆڵی که‌رکوک حه‌یده‌ر که‌ریم له به‌شی کوردی ده‌نگی ئه‌مه‌ریکا وتووێژی له‌گه‌ڵ ئه‌حمه‌د عه‌سکه‌ری سه‌رۆکی لیژنه‌ی ئه‌منی ئه‌نجومه‌نی پارێزگای که‌رکوک کردووه.
