ئه‌نجومه‌نی وه‌زیرانی عێراق له کۆبوونه‌وه‌ی ڕۆژی سێشه‌ممه‌یدا بڕیاری دا وه‌زاره‌تی دارایی عێراق 60 ملیۆن دۆلار به حه‌شدی شه‌عبی بدات که گه‌وره‌ترین هێزی میلیشـیای شیعه مه‌زهه‌بی عێراقیـیه. ئه‌مه‌ش له کاتێـکدا هێزی پـێشـمه‌رگه‌ی کوردسـتان که له شه‌ڕێـکی سه‌ختدایه له دژی داعش هیچ بڕه پاره‌یه‌کی بۆ ته‌رخان نه‌کراوه.
شاخه‌وان ده‌لۆ بڕیارده‌ری لیژنه‌ی ئاسایش و به‌رگری له په‌رله‌مانی عێراق له‌سه‌ر لیستی پارتی دیموکراتی کوردسـتان له وتووێژێـکدا له‌گه‌ڵ حه‌یده‌ر که‌ریم له‌م باره‌یه‌وه گوتی ئه‌وان وه‌کو په‌رله‌مانتارانی کورد له به‌غدا هه‌تا ماوه‌یه‌ک چاوه‌ڕێ ده‌که‌ن حکومه‌تی ناوه‌ندی پابه‌ندی ڕێـکه‌وتنه‌کانی له‌گه‌ڵ هه‌رێمدا بـبێت، ئه‌گه‌ر نا ئه‌وا هه‌ڵوێسـتی زۆر توندیان ده‌بێت.
ده‌قی وتووێژه‌که له‌م فایله ده‌نگیـیه‌دایه.
