ڕۆژی دووشه‌ممه له‌شکری عێراق به هاوکاری حه‌شدی شه‌عبی هێرشێـکی به‌رفراوانی کرده سه‌ر پارێزگای سه‌ڵاحه‌دین بۆ کۆنترۆڵکردنه‌وه‌ی شاری تکریت که له مانگی شه‌شه‌وه له ژێر ده‌سـتی داعشدایه.
ئه‌وه‌ی بووه‌ته جێـگای باس ئێران ڕۆڵی ڕێبه‌رایه‌تیکردنی ئه‌و هێزه ده‌بینێت و به هه‌موو جۆره چه‌کێـکه‌وه به‌شداری شه‌ڕه‌که ده‌کات و ته‌نانه‌ت فڕۆکه‌ی بێ فڕۆکه‌وانیش به‌کارده‌هێنێت و گوایه ئه‌مه‌ریکا و هاوپه‌یمانان ڕۆڵی ته‌ماشاکار ده‌بینن.
دکتۆر مه‌حمود عوسمان ده‌ڵێت دیاره ئه‌م هێرشه به کۆمه‌کی ئێران ده‌کرێت، به‌ڵام حه‌شدی شه‌عبی ڕۆڵێـکی سه‌ره‌کی تیایدا هه‌یه و هه‌ندێـک له عه‌شیره‌ته سووننه‌کانیشیان له‌گه‌ڵیاندا به‌شدارن.
