کاربه‌ده‌ستانی عێراق ڕاده‌گه‌ێنن ڕۆژی شه‌ممه هێرشبه‌رێکی خۆکوژ هێرشی کرده سه‌ر هێزه‌کانی عێراقی له باشوری به‌غدای پایته‌خت، به‌لایه‌نی که‌م 6 سه‌رباز کوژران. ئه‌مه‌ش له کاتێکدایه که سه‌رۆک وه‌زیری که‌نه‌دا سه‌ردانێکی چاوه‌ڕوان نه‌کراوی کرد بۆ عێراق.
هێرشه‌که له بنکه‌ی له‌شکری له ناوچه‌ی گه‌رمه‌ی به‌غدا ڕوویدا که هێزه‌کانی حکومه‌ت و چه‌کداره هاوپه‌یمانه‌کانیان شه‌ڕی دژ به ملیتانه‌کانی ده‌وڵه‌تی ئیسلامی ده‌که‌ن.
له‌و هێرشه‌دا 3 سه‌رباز و 3 ئه‌ندامی چه‌کداره هاوپه‌یمانه‌کان کوژران، 9 سه‌ربازی تریش بریندار بوون. کاربه‌ده‌ستێکی ته‌ندروستی زیانه گیانییه‌کانی پشتڕاست کرده‌وه.