داگیرکردنی شاری ڕومادی ناوه‌ندی پارێزگای ئه‌نبار لایه‌ن چه‌کدارانی داعشه‌وه له لای هه‌ندێـک که‌س له داگیرکردنی شاری موسڵ ئاکامی خراپـتری بۆ سه‌ر عێراق ده‌بێت.
کاوه مه‌حه‌مه‌د، ئه‌ندامی په‌رله‌مانی عێراق له‌سه‌ر لیستی گۆڕان له‌م باره‌یه‌وه له وتووێژێـکدا له‌گه‌ڵ حه‌یده‌ر که‌ریم له به‌شی کوردی ده‌نگی ئه‌مه‌ریکا ده‌ڵێت داگیرکردنی ڕومادی هه‌ڕه‌شه‌یه‌کی جیدیـیه بۆ سه‌ر ناوچه‌کانی دیکه‌ی عێراق، هه‌روه‌ها به‌و پـێـیه‌ی ئه‌نبار پارێزگایه‌که ڕووبه‌رێـکی فراوانی هه‌یه و سنووری به وڵاتانی سوریا و ئوردن و سعودیـیه هه‌یه، ئه‌وا هێڵی گه‌یاندنی داعش به‌هێزتر ده‌بێت.
