وەزارەتی دەرەوەی ئەمەریکا لە کۆتایی مانگی شەش ڕاپـۆرتی سـاڵانەی خۆی سەبارەت بە ڕەوشی مافەکانی مرۆڤ لە وڵاتانی جیهاندا بڵاوکردەوە. لە بەشی تایبەت بە عێراق زۆر باسی هەرێمی کوردسـتانیش کراوە.
سۆران عومەر سەرۆکی کۆمیتەی مافی مرۆڤ لە پەرلەمانی هەرێمی کوردسـتان لە وتووێژێـکدا لەگەڵ دەخیلی شەممۆ لە بەشی کوردی دەنگی ئەمەریکا لەم بارەیەوە دەڵێت ئەو پـێشـێلکاریـیانەی لە بەرامبەر مافەکانی مرۆڤ لە هەرێمی کوردسـتانی عێراقدا ڕوویانداوە زۆر لەوە زیاترە کە لە ڕاپـۆرتەکەدا باسی لێوەکراوە.
