بەهار مەحمود، ئەندامی پەرلەمانی هەرێمی کوردستانی عێراق لە فراکسیۆنی بزووتنەوەی گۆڕان دەڵێت لە کۆبوونەوەکەی ئەمڕۆدا تەنها ئاڵوگۆڕی دیدوبۆچوونەکان کراوە لایەنەکان ڕوانینی خۆیان باسکردووە و دەشڵێت خاڵی هاوبەش هەبوون لە نێوان هەموو لایەنەکاندا و هەوڵەکانیش بۆ زیادکردنی ئەو خاڵە هاوبەشانەیە کە هەن.
ئەم ئەندامەی پەرلەمان دەشڵێت بەشداری ئەندامانی لیژنەی یاسایی لەم کۆبوونەوەیەدا بۆ ئەوە بووە تا ئەگەر گەیشتینە ڕێککەوتن ئەوا ڕیککەوتنەکە بە شێوەیەکی یاسایی دابڕێژرێت.
ژیار موحەمەد پەیامنێری دەنگی ئەمریکا لە سلێمانی لە شوێنی کۆبوونەوەکە بووە کە لە "شاری جوان" کرا.
