وەزیری بەرگری عێراق لە 13 ی مانگی هەشت ڕایگەیاند کە قۆناغی دووەمی هێرشی لەشکری دەسـتپـێدەکات بۆ کۆنترۆڵکردنەوەی ڕومادی لەدەست داعش کە لە 17 ی مانگی سێـیەوە دەسـتپـێکردووە.
فەریق سەروەر بەرزنجی، شارەزای بواری ئاسایشی و سەربازی بنکە لە بەغدا لە وتووێژێـکدا لەگەڵ حەیدەر کەریم لە بەشی کوردی دەنگی ئەمەریکا دەڵێت هێزە عێراقیـیەکان هەندێـک هەنگاویان بۆ پـێشەوە ناوە لە ناو ڕومادی و هەندێـک شوێنی گرت، بەڵام لە هەندێـک شوێنی دیکە شـکستی هێناوە و هەتا ئێسـتا نەیتوانیوە ئەو ئامانجە بەدیبهێنت.
