پاش بڵاوبوونه‌وه‌ی وێنه‌که‌ی ئالان کوردی و بەخاکسپاردنی له شاری کۆبانی ، به ته‌نها سه‌رانی وڵاتانی ئه‌وروپا و ئه‌مەریکا قسه‌یان له‌سه‌ر کۆچی ئه‌و منداڵه نه‌کرد، بەڵکو خەڵکیش غەمگینی خۆیان دەربڕی و بە گرنگی دەبینن ئاوردانه‌وه له که‌یسی کۆچبه‌ران له سوریا و عێراق بدرێت.
وێنه‌که‌ی ئالان له واشنتۆنیش به‌لای خه‌ڵکه‌وه هه‌ژێنه‌ر بووه‌و زۆربه‌ی ئه‌وانه‌ی لێدوانیان له لایه‌ن په‌یامنێری به‌شی کوردی ده‌نگی ئه‌مەریکا له واشنتۆن وه‌رگیراوه ، داواده‌که‌ن وڵاتانی دنیا به ده‌م ئه‌و پرسه مرۆییه‌وه بچن.
یه‌ک له‌و هاوڵاتییه ئه‌مەریکاییانه باسی له‌وه کردووه که "چه‌ندین منداڵ له مۆزه‌خانه‌ی هۆلۆکۆسته، هاوشێوه‌ی ئالان، به‌ڵام ده‌رسمان لێوه‌رنه‌گرت". که‌سێکیتر "ئالانی شوبهاندووه به منداڵی هه‌ر که‌س، به‌و شێوه‌یه منداڵه‌که‌ی خۆی له که‌ناری ده‌ریا ببینێت چی به‌سه‌ر دێت".
