لە ڕاگەیاندنێکدا کە بە وەرچەرخانێک لە هەڵوێستی ڕوسیادا دادەنرێت، سێرگیێ لاڤرۆڤ وەزیری دەرەوەی ڕوسیا دەڵێت هێزی ئاسمانی وڵاتەکەی ئامادەیە بۆ هاوکاریکردنی ئەوانەی بە ئۆپزسیۆنی نیشتمانی سوریا ناودێری دەکات.
حوسەین عومەر، ڕۆژنامەوان و چاودێری سیاسی دەڵێت پێدەچیت مۆسکۆ بخوازێت هەموو دەروازەکان لەگەڵ ئۆپزسیۆنی سوریادا دانەخات و بتوانێت بەردەوام زەمینەی یارییە سیاسییەکانی خۆی لە سوریادا بکات.
ژەنەراڵ ئەبو لەیلا، سەرکردەی هێزی (شمس الشمال) لە سوریا دەڵێت ئۆپزسیۆنی نیشتمانی سوریا ئەڵتەرناتیڤی ڕژێمەکەی بەشار ئەلئەسەد و دەوڵەتی ئیسلامیشە لە سوریادا.
زۆرێک لە لایەنەکانی ئۆپزسیۆنی نیشتمانی سوریا دەڵێن هیچ یارمەتی و کۆمەکێکی ڕوسیایان ناوێت تەنها ئەوەندە نەبێت بۆردومان کردنی بنکەکانی ئۆپزسیۆنی سوریا ڕابگیرێن، دەست بکرێت بە وتووێژ لەسەر چۆنییەتی ڕێکخستنی هاوکارییەکان.
لەسەر بنچینەی وتووێژەکانی لەگەڵ حوسەین عومەر و ژەنەراڵ ئەبو لەیلا، بەڵێن ساڵح ڕاپۆرتێکی ئامادەکردووە.
زانیاری زیاتر لە دەقی ڕاپۆرتەکەدایە:
