بڕیارە رۆژی دووشەممە ئەنجومەنی وەزیران لە هەرێمی کوردستانی عێراق کۆببێتەوە بەبێ ئامادەبوونی وەزیرەکانی بزوتنەوەی گۆڕان.
ئەمەش یەکەمین کۆبوونەوەی کابینەی حکومەتی بنکە فراوانی هەرێمە لە ماوەیەکی دوور و درێژدا و لەم سەروەختی قەیرانە ئابوری سیاسیانەی هەرێمی کوردستاندا.
گۆران ئازاد، ئەندامی پەرلەمانی هەرێمی کوردستان لە فراکسیۆنی یەکێتی نیشتمانی کوردستان دەڵێت ئەم کۆبوونەوەیە تایبەتە بە پرسی قەیرانی دارایی و ئابوری هەرێم و ژمارەیەک ڕاوێژکاری لوبنانیش بەشدار دەبن و دەشڵێت قەیرانی دارایی زۆر قوڵ و مەترسیدارە و بە شیوەیەکە یان دەبێت حکومەتی هەرێم بکەوێت و نەتوانێت بەردەوام بێت و یانیش ئەوەتا دەست بۆ چاکسازییەکان بببات.
لە میانەی وتووێژەکەیدا لەگەڵ بەڵێن ساڵح، گۆران ئازاد ئاماژەش بۆ ئەوە دەکات کە کۆبوونەوەکەی ڕۆژی دووشەممە بۆ خزمەتی خەڵک و چاکسازی و چارەسەرکردنی کێشە ئابوریەکان و رێگەگرتنە لەگەندەڵی و دەشڵێت ئەمانە هەموو لە پێس هەموو هێزەکانەوە پەیامی بزوتنەوەی گۆڕان خۆیەتی و ئەم کۆبوونەوەیەش بۆ خزمەتی هێز و گروپ و خەڵکێکی دیاریکراو نییە بەڵکو بۆ خزمەتی خەڵک و دۆسێ گشتییەکانە.
زانیاری زیاتر لە دەقی وتووێژەکەدایە:
