به‌وپێیه‌ی پێشتر چه‌ندین سه‌ردان له‌ئاستی به‌رپرسی باڵادا کراوه و ئاکامی نه‌بوه ئایا دوا سه‌ردانی مه‌سعود بارزانی له‌گه‌ڵ شاندێک بۆ به‌غدا بۆ باشکردنی بارودۆخی کوردستان ئاکامی باشی ده‌بێت. ئه‌م سه‌ردانه جیاوازی له‌وانی پێشتر چیه.
وه‌ک ڕاگه‌ێندرا هه‌ردوو به‌رپرس مه‌سعود بارزانی و حه‌یده‌ر عه‌بادی به‌ته‌نها کۆبوونه‌ته‌وه، بارزانی ده‌ڵی ڕێکه‌وتین به‌ڵام ناوه‌ڕۆکی ڕێکه‌وتنه‌که له‌سه‌ر چیه بووه و بۆ بڵاونه‌کراوه‌ته‌وه.
ئه‌م سه‌ردانه ئه‌وه ده‌گه‌ێنێت، پرسی ده‌وڵه‌تی کوردی ده‌بێت به‌خه‌وه‌ن، یاخوود ئه‌مه سه‌ره‌تای هه‌نگاوه بۆ ئه‌و مه‌به‌سته.
له‌مباره‌یه‌وه ده‌نگی ئه‌مریکا گفتووگۆی له‌گه‌ڵ محه‌مه‌د وانی نووسه‌ر و شیکه‌ره‌وه‌ی سیاسی کردوه.
وانی ده‌ڵیت کاتی سه‌ردانه‌که کاتێکی باش بوو له‌باریش بوو، گه‌شتوه‌ته ڕاده‌یه‌ک ده‌بوو کاک مه‌سعود ته‌دخول کات و به‌وشانده بگاته به‌غدا.
هه‌روه‌ها ده‌ڵێت نه‌دانی مووچه و خۆپیشاندان فشاری گه‌وره‌ی له‌سه‌ر بارزانی دروستکرد و له‌لایه‌کی‌دیکه‌وه به‌کۆمه‌ڵیک دۆسێوه چۆته به‌غدا.
له‌ڕوانگه‌ی خۆیه‌وه وانی ده‌شڵێت ترسی گه‌ڕانه‌وه‌ی ماڵکی بۆ ده‌سه‌ڵات یه‌کێکه له‌وهۆکارانی سه‌ردانی بارزانی بۆ به‌غدا.
زانیاری زیاتر له‌ده‌قی ووتوێژه‌که‌دایه.
وریا کاڵی ئه‌م گفتووگۆیه‌ی کردوه.
