لەگەڵ دەستپێکردن بە ئۆپەراسیۆنی ئازادکردنی موسڵ لەلایەن هێزی پێشمەرگە و سوپای عیراقی بە پشتیوانی هێزی هاوپەیمانان، دەنگۆی ئەوە هەیە چەکدارانی داعش هەوڵی هەڵاتن بەرەو شاری ڕەققە و سنووری سوریا بدەن.
لە وتووێژێکدا لەگەڵ دەنگی ئەمەریکا، عەمید ئاراس فەرماندەی لیوای 9ی هێزی پێشمەرگە گوتی ئەو هێزە گەورەیەی شەڕ بۆ ئازادکردنی موسڵ دەکات فشارێکی زۆری لەسەر داعش کردووەو فاکتەرێك بووە کە لە پێناو قووتاربوونی گیانیان بەرەو ڕەققە هەڵبین.
