به‌رزکردنه‌وه و هه‌ڵکردنی ئاڵای کوردستان به فیرمی له‌سه‌ر فه‌رمانگه و دام و ده‌زگا حکومیه‌کاندا له که‌رکوک لێکدانه‌وه‌ی جۆرا و جۆری لێکه‌وتووه‌ته‌وه. ئاخۆ بۆ کورد تا ئه‌مرۆ چاوه‌رێ کرد و له کاتی رووخانی سه‌دام دا ئه‌و کاره‌ی نه‌کرد؟ وه ئه‌گه‌ریش له‌و کاته‌دا هه‌ڵه‌یان کرد، بۆ له کاتی وه ده‌رنانی داعش ئه‌و هه‌له‌یان نه‌قوازته‌وه و به‌و شێوه ووتیان به‌ندی 140 به‌سه‌ر چوو ئاڵاکه‌یان هه‌ڵکردبایه؟
عیماد عه‌لی رۆژنامه‌وان و چاودێری کاروباری رامیاری له هه‌ڤپه‌یڤینێکدا له‌گه‌ڵ به‌شی کوردی ده‌نگی ئه‌مه‌ریکا ده‌ڵێت " به دڵنیاییه‌وه هه‌ڵکردنی ئاڵا بۆ نه‌ته‌وه‌ی کورد شتێکی چاوه‌روانکراوه،
که له رووی یاسای ژماره 14 ساڵی 91 په‌رله‌مانی هه‌رێمی کوردستان بۆ هه‌ر سێ پاریزگاکانی کوردستان کۆمه‌ڵه بریارێکی ده‌رکرد، له‌و بریارانه‌ش هه‌ڵکردنی ئاڵای کوردستانه، راستیه‌ک هه‌یه ئه‌وه‌یه له که‌رکوک (دهی فاکتۆیه‌ک هه‌یه De Facto) پاش راکردنی سوپای عێراقی و هاتنی داعش و وه‌رچه‌رخانی سیاسی و پاراستنی که‌رکوک و خه‌ڵکی که‌رکوک له لایه‌ن هێزی پێشمه‌رگه‌وه واێ کرد که زیاتر کوردستانی بوونی که‌رکوک به راده‌ی بچه‌سپێنی که بیکاته دی فاکتۆ".
کاک عیماد هه‌ر وه‌ها ده‌ڵێت " بۆ که‌رکوک و بۆ ناوچه‌کانی تر ئه‌گه‌ر کێشه‌ی نه‌ته‌وه‌یی درووست نه‌کا و به له‌یه‌ک تێگه‌یشتنی نێوان نه‌ته‌وه‌کان بوایه، له‌م تاک لایه‌نه به‌رزکردنه‌وه‌ی ئاڵا زۆر باشتر ده‌بوو".
کاک عیماد ده‌شڵێت " ئه‌مه له هه‌ڵه‌کانی سه‌رکردایه‌تی یان حکومه‌تی خۆجه‌یی که‌رکوکه که پاش روویشتنی داعش ئه‌و ئاڵایه‌ی هه‌ڵنه‌کرد و تا ئه‌مرۆ ئه‌م پرسه‌ی وا هێشتوه‌ته‌وه، سه‌ره‌رای کۆمه‌ڵێک هۆێ خۆیی نێوان پارته کوردیه‌کان، ره‌کابه‌ری، پێشبرگی به تاێبه‌تی له نێوان یه‌کێتیی و پارتی، پارتی له‌ویه‌وه پرۆپاگه‌ندی ریفراندووم و سه‌ربه‌خۆیی ده‌کات و یه‌کێتیش له‌ملاوه ئاڵای کوردستان هه‌ڵ ئه‌کات وه‌کو کاردانه‌وه‌یه‌ک نه‌ک وه‌ک مافێکی ره‌وای نه‌ته‌وه‌یی بۆ گه‌لی کورد له که‌رکوک و ناوچه دابڕاوه‌کان".
