لەوەتای پرسی ریفڕاندۆم لە هەرێمی کوردستانی عێراق هاتۆتە ئاراوە، مشتومڕی زۆری لێکەوتۆتەوە. سەڕەڕای کۆسپ و ئاستەنگەکان لە نێو و دەرەوەی هەرێم لەبەردەم ئەنجامدانی و ترس و دڵەڕاوکێی عێراق و وڵاتانی دراوسی بەڵام وادەی 25 مانگی 9ی بۆ دیاریکراوە. پرسیارەکە لێرەدا ئەوە کە ئایا ڕەوشی هەرێم زەمینەیەکی گونجاوە بۆ سازدانی ڕیفراندۆم لەم ساڵدا؟ و زیان وسوودەکانی چی دەبن؟
د. فرسەت سۆفی ئەندامی پەرلەمانی هەرێمی کوردستان لە گفتوگۆییەکی تایبەتدا لەگەڵ دەنگی ئەمەریکادا ڕایگەیاند " ڕاستە تەحەدیات و بەربەست و کێشە هەن بەڵام ئەوە مافێکی بنەڕەتی ئەم میللەتەیە و دەستی لێهەڵناگرێن."
لەو وتووێژەدا کە شایان پاشا ئەنجامی دابوو بەڕێز سۆفی گوتیشی
"ناکرێت ئێمە لەگەڵ میللەتی خۆمان یارییەکی دۆڕاو بکەین، ئەنجامدانی ریفراندوم بۆ درووستکردنی دەوڵەتە و بۆ ئەوەیە هەنگاوەکانی سەربەخۆیی و جیابوونەوە دوای بڕیاری میللەت بنێن."
دەقی وتووێژەکە.
