پاش ئەوەی هێزەکانی عێراق توانیان ناوچەیەکی فراوان کۆنترۆڵ بکەن کە هەتا هەفتەیەک لەمەوبەر لە ژێر دەسەڵاتی هەرێمی کوردستان بوون، ڕەوشێکی نائاسایی دروستبووە.
هێمن مام ڕەش ڕۆژنامەوان لە شاری هەولێر لەم بارەیەوە دەڵێت میدیای ناوخۆ ڕۆڵێکی خراپیان بینیوە و لە پشت پەردەوە کاری حزبی دەکەن و لە ڕووداوەکانی کەرکوک و شوێنەکانی دیکە هەندێک لە میدیاکان خەڵکەیان چەواشەکردووە، بەڵام لە هەمان کاتدا هەندێکی دیکەیان هەوڵی ڕاستکردنەوەی ئەو چەواشەکاریانەیان دەدا، بەمەش هیچ کامیان نەیانتوانیوە بە شێوەیەکی پـرۆفشناڵانە کارەکەی خۆیان بە ئەنجام بگەیەنن.
