پاش ئەوەی لە 16 ی مانگی 10 هێزەکانی عێراقی بە هاوکاری حەشدی شەعبی هێرشیان کردە سەر شاری کەرکوکی دەوڵەمەند بە نەوت و شارەکەیان کۆنتڕۆڵ کرد ئاڵۆزییەکانی نێوان هەولێر و بەغدا زیادیان کرد. بەڵام شارەزایان دەڵێن ئەم ناکۆکییانە چەندێک پەرەبستێنن بەڵام دەرەنجام هەر دەبێت بگەڕێنەوە سەر مێزی دانوستاندن و گرفتەکانیان بە گفتوگۆ چارەسەر بکەن.
دکتۆر محەمەد جەلال مەجید پسپۆڕی پەیوەندییە نێونەتەوەییەکان لە میانەی وتووێژێکدا لەگەڵ دەنگی ئەمەریکا دەڵێت کورد هیچ بژارەیەکی تری نییە لەوە زیاتر بگەڕێتەوە بۆ سەر مێزی گفتوگۆ. دکتۆر محەمد لە وتووێژەکەیدا لەگەڵ هێرۆ زەنگەنە دەشڵێت " ئەگەر بێتو کورد یەکگرتوانە نەچنە ئەو دیالۆگەوە ئەوا بەغدا ئامادەبوونی کورد بە ڕژدی وەرناگرێت."
دکتۆر محەمەد سەبارەت بە دەستلەکارکێشانەوەی سەرۆکی هەرێمی کوردستان مەسعود بارزانی دەڵێت ترسی ئەوەی هەیە شەڕی ناوخۆ دروست ببێتەوە.
دەقی وتووێژەکە.
