گومانی تێدا نییە هەر وەکو رۆناکبیران دەڵێن " سەرکەوتن لە یەکگرتندایە " وە یەکێک لە هۆکارە سەرەکیەکان کە کورد تا ئێستا بە خەون و ئامانجەکانی نەگەیشتووە دەگەرێتەوە بۆ دابەشبوون و ناکۆکی لە نێۆ رێزەکانیدا وە رووداوەکانی رۆژ گەواهی ئەوەیە کە کورد تا دێت چەند لە ئامانجەکانی دوور دەکەوێتەوە. سەرەرای ئەوەی بزوتنەوەی گۆران لە یەکێتیی جیا بوەوە بەڵام هەمیشە لە نێۆ رێزەکانی هەردوو لا ئومێد بە یەکگرتنەوە هەبوە، ئێستاکەش کە هەندێ کەسان پێیداگری لەسەر ئەو داخوازیە دەکەن. ئاخۆ تا چەند شیانی هەیە گۆڕان و لایەنەکانی تر بگەرێنەوە و دەست لە نیۆ دەستی یەک بکەن و یەک بگرنەوە ؟
عیماد عەلی نووسەر و رۆژنامەنووس و چاودێری کاروباری رامیاری لە هەڤپەیڤینێکدا لەگەڵ بەشی کوردی دەنگی ئەمەریکا دەڵێت "
دیارە لە هەڵبژاردنەکاندا کۆمەڵێک راوبۆچوون هاتە ئاراوە، وە من بە خوێندنەوەی بارودۆخە بابەتیەکە وا هاتە بەرچاوم کە بە گەورەیی سەیری هەڵبژاردنەکان لە کوردستان، لە عێراقدا بکەیت زایاتر برژروەندیە بابەتیەکە لەبەر چاو بگریت، ئەم هەموو لایەنانەی ئێستا لە ئارادا هەن و هەندێ رای جیاواز هاتە ئاراوە، بەڵام لە سەرەوێ هەمووەوە ئەوەی چی بکرێ بۆ خودی کوردستان وەکو هەرێم باشە، من وەکو کەسێک دوور لە لایەنەکان و دوور لە حیزب، ئەوە هاتە بەرچاومکە لایەنەکان چەند نزدیک و لە بەرەیەکی تاێبەتدا بن قازانجی زیاترە لەوەی کە ئەم هەموو حیزبانە لە حاڵەتی ئاوا کە تەقە و شەڕ و شۆڕی تێبکەوێ، جا ئەگەر لەسەرەوە سەیری بارودۆخی کوردستان بکەیت دەبێ وەکو پیاوێکی دەوڵەت سەیری بکەیت نەک پیاوێکی سیاسی ".
کاک عادل هەر وەها دەڵێت " لەوانەیە لە هەرێمی کوردستان تاکە پیاوێکی دەوڵەتمان نەبێ تەنها قازانج بە کوردستان بگەینێ، بەڵام ئێستا هەموو سەرکردەی حیزبەکان، هەموو ئەوانەی خۆیان بە سیاسی ئەزانن، هەموویان پیاوی سیاسین هەر دەیانەوی لە کوردستان و لە عێراق قازانج وەربگرن، جا لەبەر ئەوە ئەگەر دوو لایەن لە یەک جیا ببنەوە و نزیکی یەک بن و جیاوازیەکەیان ئەوتۆ نەبێ، جیاوازیەکی فکری قووڵ کە بتوانن لەگەڵ یەکا بژیین، بۆچی لە یەکتر نزدیک نەبنەوە و لە یەک بەرەدا بن، لە یەک حیزبدا بن کە زیاتر لە بەرژەوەندی باڵای کوردستانە ، جا ئەوەی یەکێتیی و گۆران پێش هەموو لایەنەکان لە ئارادایە، ئەگەر خەڵکی سیاسی یان رێبەرایەتی باش لە سەر هەردوو حیزبەکە بە قووڵی و هێڵێکی زۆر پان و چڕ سەرکردەی دەوڵەت بیر بکەنەوە دەتوانن لە یەک نزدیک ببنەوە و یەکیش بگرن ".
کاک عیماد دەشڵێت " هەر لە خەباتی شاخەوە بگرە تا وەکو ئێستا، تا گەیشتوەتە حاڵەتی شەڕ کردنیش لە پێناو هەندی بەرژەوەندی تەسک بوە، پێش ئەوەی لە پێناو بە ناو مبدئ و پرینسیپی حیزبی بێ لە بیر ئەو سەرکردانەی کە بریاری جیابۆنەوەیان داوە، کۆمەڵێک لایەن لە نزدیک یەکن وە کۆمەڵێ لایەنی تریش لە دوورەوە لە مەڵازدان بۆ ئەوەی خۆیان قازانج بکەن لەو لایەنە ناکۆکانە، من لەوەدا دەیبینم نزدیک بوونەوەی هەندێ لایەن لە یەکتر لە قازنجی گشتی بۆ گەلی کوردستان ئەکەوێتەوە ".
