ڤایرۆسی کۆرۆنا یاخود هەموو ڤایرۆسەکانی دیکە کە خانەی تەواوەتی نین، چۆن دەتوانن سوود لە جەستەی مرۆڤ وەربگرن بۆ مانەوە وپەرەپێدانی خۆیان؟
چۆن ڤایرۆسی کۆرۆنا لە جەستەی مرۆڤدا بڵاودەبێتەوە و تووشی کۆئەندامەکانی لەش دەبێت؟
ئایا نیشانەکانی تووشبوون بە ڤایرۆسی کۆرۆنا کە تا ئێستا زانایان تێبینیان کردووە چین؟
بەپێی زانایان وپسپۆران، نیشانەکانی تا ئێستا بەدیکراون بریتین لە کۆکە، سەر ئێشە و تا. هەندێک لە نەخۆشەکانیش هەستی بۆنکردن و تامکردنیان نامێنێت، هەندێکیان توانای سەرنجدانیان نامێنێت، یان وڕێنە دەکەن، هەندێکیشیان تووشی سکچوون و ڕشانەوە دەبن و پەستانی خوێنیان دادەبەزێت.
بۆ زانیاری زیاتر لەسەر ئەم بابەتە و وەڵامی پرسیارکانمان لەسەر بڵاوبوونەوەی ڤایرۆسەکان، بەرنامەی زانست و تەکنەلۆجیا میواندای دکتۆر شاخەوان ڕەشید دەکات.
د. شاخەوان رەشید، پزیشکی پسپۆڕی هەناوە لە ویلایەتی پەنسلڤانیا لە ئەمریکا کە لەئێستادا ئەویش وەک هەموو پزیشکەکان و کارمەندانی تەندروستیی لە جیهاندا هەوڵی کۆتایی‌هێنان بە پەتای کۆرۆنای نوێ دەدەن و چارەسەری نەخۆشەکانی تووشبوو بە ڤایرۆسی کۆرۆنا دەکەن.
