حەیدەر قوربانی زیندانی سیاسی کورد لە ساڵی 2016دا بە تۆمەتی هاوکاری و بەشداری کردن لە کوشتنی چەند کەسێکی سەر بە سوپای پاسداران لە لایەن هێزەکانی ئێرانەوە دەستبەسەر دەکرێت و دواتریش لە سەرەتاکانی ئەمساڵدا لە لایەن دادگای ئێرانەوە سزای لە سێدارەدانی بۆ دەردەچێت.
پارێزەری ناوبراو، ساڵێح نیکبەخت داوای لە دادگای باڵای ئێران کرد بۆ دووبارە دادگاییکردنەوە و پێداچوونەوەی دۆسیەکە، بەڵام دادگای باڵا لە 5ی ئەم مانگەدا داواکەی ڕەتکردەوە.
دوایین زانیارییەکان سەبارەت بە کەیسی حەیدەر قوربانی چین؟
ئەو کێشە و نادادپەروەرییانە وەک پارێزەرەکەی باسی دەکات چیبوون کە وایکرد داوای دووبارە دادگاییکردنەوەی ئەم زیندانییە سیاسییە بکرێت لە لایەن پارێزەرەکەیەوە؟
هۆکاری ڕەدکردنەوەی داواکە لە لایەن دادگای باڵای ئێرانەوە چی بووە؟
ئایا لە ڕووی یاساییەوە شوێنی هەیە دووبارە داوای پێداچوونەوە بۆ کەیسەکە بکرێت؟
بەفراو نووری لە واشنتۆنەوە بۆ زانیاری زۆرتر و وڵامی ئەم پرسیارانە لە سەر کەیسەکە، لەگەڵ ساڵێح نیکبەخت، پارێزەری حەیدەری قوربانی گفتوگۆی کردوە.
