هێزەکانی ئاسایشی بەڕێوەبەرایەتی ڕووبەڕووبوونەوەی ماددەی هۆشبەر لە سلێمانی لە ئۆپراسیۆنێکدا و بە هاریکاری لەگەڵ ئاسایشی هەولێر دەستیان گرت بەسەر ٢٥ کیلۆ ماددەی هۆشبەر لە جۆری کریستاڵ کە باندێکی ناوخۆیی لە ئێرانەوە هێنابوویان و هەوڵیان دابوو بینێرنە دەرەوەی وڵات.
ئەمڕۆ یەک شەممە، بەڕێوەبەرایەتی ڕووبەڕووبوونەوەی ماددەی هۆشبەر لە سلێمانی، کۆنگرەیەکی ڕۆژنامەوانی ئەنجامدا و عەمید جەلال ئەمین، بەڕێوەبەری بەڕێوەبەرایەتییەکە باسی لەوە کرد کە دەستیان گرتووە بەسەر ٢٥ کیلۆ ماددەی هۆشبەر لە جۆری کریستاڵ. هەروەها وتیشی "بەهۆی خراپبوونی دۆخی ئابووری و دارایی کۆماری ئیسلامی ئێرانەوە، زۆر کەس بۆ قازانجی ماددی، ماددەی هۆشبەر دەهێننە هەرێمی کوردستانەوە و دەیانەوێت ساغی بکەنەوە."
بەپێی داتاکان ڕۆژ لە دوای ڕۆژ بەکارهێنانی ماددەی هۆشبەر لە هەرێمی کوردستاندا ڕووی لە زیادبوونە و بەشێکی بەرچاوی ماددە هۆشبەرەکان لە کۆماری ئیسلامی ئێرانەوە بە ڕێگای نایاسایی دەهێنرێنە ناو خاکی هەرێمی کوردستانەوە.
زانیاری زیاتر لەم ڕاپۆرتەی ڕێباز مەجید، پەیامنێری دەنگی ئەمریکادایە:
