لە وتووێژێک لە گەڵ دەنگی ئەمەریکا، کاوان حەیدەری دەڵێت لە دۆخێکی نالەبار و ناڕووندایە. ئەو دەڵێت هەم لە رۆمانیا و هەم لە ئاڵمان دوو جار و بۆ ماوەی چەندین مانگ راگیراوە و لە ئەو ماوەیەدا تەنانەت تووشی نەخۆشی کوڕۆنا بووە و لە مەرگ ڕزگاری بووە.
کاوان ئێستا لە نزیک فڕۆکەخانەی شاری هامبورگ لە ئەڵمانیا، لە ناوەندێكی ڕادەستکردنەوەی پەناخوازان ڕاگیراوە تا بیگێڕنەوە بۆ رۆمانیا و دەڵێت لە بەر پەیوەندی سیاسی نێوان رومانیا و ئێران، مەترسی هەیە کە ڕادەستی ئێران بکرێتەوە و گیانی لە مەترسیدایە چونکە چالاکێکی سیاسی بووە.
کاوان حەیدەری لە ٢٤ی مانگی ٣ی زاینی ئەم ساڵەوە مانی لە خواردن و خواردنەوە گرتووە.
