نێچیرڤان بارزانی سەرۆکی هەرێمی کودستان لە چوارچێوەی سەردانەکەیدا بۆ تورکیا بە مەبەستی بەشداریکردن لە کۆڕبەندی دیپلۆماسی ئەنتالیا، لەگەڵ سەرۆکی تورکیا ڕەجەب تەیب ئەردۆغان و کاربەدەستانی تری تورکیا و قەتەردا کۆبووەوە.
بارزانی لە تویتێکدا ڕایگەیاند " کۆتاییم بە سەردانەکەم بۆ ئەنتالیا هێنا، لەوێ لەگەڵ سەرۆی تورکیا ئەردۆغان و کاربەدەستانی تری تورکیا و قەتەردا کۆبومەوە، هەروەها بەشداریشم کرد لە کۆڕبەدنی دیپلۆماسی ئەنتالیا. ئێمە ئاڵوگۆڕی بیرڕامان کرد لەسەر ئاشتی، ئاسایشی هەرێمی، پەیوەندییە دوولایەنەکان و پەرەسەندنە سیاسییەکان لە عێراق و ناوچەکە."
سەرۆکایەتی هەرێمی کوردستان لە بەیاننامەیەکدا ڕایگەیاندووە لە کۆبونەوەکەدا " ده‌رباره‌ى په‌يوه‌ندييه‌كان و كێشه‌كانى هه‌ولێر ـ به‌غداش، سه‌رۆك نێچيرڤان بارزانى جه‌ختى له خواستى هه‌رێمى كوردستان بۆ چاره‌سه‌ر‌كردنى يه‌كجاره‌كيى كێشه‌كان به گفتوگۆ و له‌سه‌ر بنه‌ماى ده‌ستوور دووپات كرده‌وه."
سەفین دزەیی بەرپرسی پەیوەندییەکانی دەرەوەیی هەرێمی کوردستان کۆبونەوەکەی نێوان ئەردۆغان و بارزانی بە کۆبونەوەیەکی زۆرباش وەسف کرد و گوتی تیایدا باس لە " فراوانکردنی بازرگانی و دەرفەتەکانی ئابوری"کراوە. دزەیی لە تویتێکدا دەڵێت لە کۆبونەوەکەدا باس لە بابەتە " چەقبەستووە سیاسییەکانی ئێستای عێراق، هەڕەشەی تیرۆر و پەیوەندییەکانی نێوان هەولێر و بەغداش کراوە."
بارزانی هەر لە ڕۆژی شەممە لەگەڵ وەزیری دەرەوەی تورکیا مەولود چاوشئۆغڵوشدا کۆبووەوە و ڕۆژی هەینی هه‌ر له په‌راوێزى كۆڕبه‌نده‌كه‌دا ديدارێكى له‌گه‌ڵ شێخ محه‌مه‌د بن عه‌بدولڕه‌حمان ئال سانى، جێگرى سه‌رۆك وه‌زيران و وه‌زيرى ده‌ره‌وه‌ى قه‌ته‌ر ئه‌نجام دا.
سەرۆکایەتی هەرێم لە بەیاننامەیەکیدا دەڵێت لەو دیدارەدا " دوايين پێشهاته‌كانى دۆخى ئۆكراينا و كاريگه‌رييه‌كانى شه‌ڕ و لێكه‌وته‌كانى، په‌يوه‌ندييه‌كانى عيراق و هه‌رێمى كوردستان له‌گه‌ڵ قه‌ته‌ر، دۆخى ئه‌فغانستان و ناوچه‌كه‌يان به‌گشتى تاوتوێ كرد."