دادگای فیدراڵی عێراق ڕایگەیاند، محەمەد حەلبوسی، سەرۆکی پەرلەمان و یەکێک لە سەرکردە دیارەکانی عەرەبی سوننە عێراقی، لە پۆستەکەی دووردەخاتەوە، دوای سکاڵای پەرلەمانتارێک و تۆمەتبارکردنی بە "ساختەکردنی " نوسراوێک.
دادگاکە ڕۆژی سێشەممە لە بەیاننامەیەکی کورتدا کە لە ماڵپەڕەکەی بڵاوی کردەوە دەڵێت " دادگا کۆتایی بە ئەندامێتی سەرۆکی ئەنجومەنی نوێنەرن، محەمەد ڕێکان حەلبوسی هێنا، و هەروەها کۆتایی بە ئەندامێتی پەرلەمانتار لەیس مستەفا حەمود ئەلدلێمی هێنا لە ڕێکەوتی ئەمڕۆوە."
دادگاکە داواش لە هەموو لایەنەکان دەکات کە پابەندی بڕیارەکەبن.
به‌گوێره‌ی زانیاریه‌كان، بڕیاره‌كه‌ی دادگای فیدراڵی تایبه‌ته به‌دۆسێی ته‌زویر و ساخته‌كاری تایبەت بە نامەی دەستلەکارکێشانەوەی لەیس دلێمی ئەندامی پەرلەمان و ئەندامی هاوپەیمانی تەقەدومی خودی حەلبوسییە پێشتر نامه‌یه‌كی ده‌ستله‌كاركێشانه‌وه‌ی به‌واژۆی حه‌لبوسی بڵاوكرایه‌وه، به‌ڵام پاشان سكاڵای تۆماركرد و رایگه‌یاند، ئه‌و نامه‌ی ده‌ستله‌كاركێشانه‌وه‌یه ساخته‌یه و خۆی نوسیویەتی و هه‌ر خۆشی واژۆی له‌سه‌ركردوه.
حەلبوسی سەرۆکی هاوپەیمانی تەقەدوم کە لە مانگی 9 ی ساڵی 2018 وەک سەرۆکی پەرلەمان هەڵبژێردرا، هەتا ئامادەکردنی ئەم هەواڵە هیچ لێدوانێکی لەسەر بڕیارەکەی دادگا نەداوە.