سەرچاوە ژامپۆنییەکان دەڵێن دووهەم گەورەترین فڕۆکەخانەی وڵاتەکە بۆ ماوەی 2 کاتژمێر لە کارکردن وەستاوە و 201 گەشتی ئاسمانی تێیدا وەستێندراوە بەهۆی ئەوەی هێزە ئەمنییەکان سەرقاڵی دۆزینەوەی مەقەسێک بوون کە لە یەکێک لە فرۆشگاکان ونبوبوو.
بە گوێرەی ئاژانسی بی بی سی، مقەسەکە ڕۆژی شەممە لە یەکێک لە دوکانەکانی دەرەوەی بازگەی پشکنین لە فڕۆکەخانەی چیتۆسێی نوێ لە هەرێمی هاکیدۆ ونبوو.
هێزە ئاسایشییەکان بەهۆی مەترسی ئاسایش تەواوی فڕۆکەخانەکەیان پشکنیوە و گەشتیارانیان ناچار بە دووبارە پشکنینەوە کردووە.
بەڵام دوای دوو کاتژمێر گەڕان، مقەسەکە نەدۆزراوەتەوە و ناچار فڕۆکەخانەکە گەشتەکانی دەستپێکردۆتەوە.
ڕۆژێک دوای ڕووداوەکە مقەسەکە دۆزرایەوە.
بەرپرسانی فڕۆکەخانە ڕایانگەیاند کارمەندێکی فڕۆکەخانەکە لە هەمان فرۆشگا مقەسەکەی دۆزیوەتەوە.
وتەبێژێکی فڕۆکەخانەکە دوای ڕووداوەکە بۆ ڕای گشتی ڕایگەیاند، "ئێمە دەزانین کە ئەمە لە ئەنجامی نەبوونی سیستەمی هەڵگرتن و بەڕێوەبردن لە فرۆشگاکەدا ڕوویداوە. ئاگادارین ئەمە ڕووداوێکە کە دەکرێت پەیوەست بێت بە تیرۆرەوە، وە جارێکی دیکە کاردەکەین بۆ دڵنیابوون لە هۆشیارییەکی وردی بەڕێوەبردن”.