پۆلیس وتی بەهۆی تەقینەوەی ئوتومبێلێکەوە لە نزیک خوێندنگایەک لە مەقدیشۆی پایتەختی سۆماڵ هەشت کەس گیانیان لەدەستداوە، جیهادییەکانی ئەلشەباب بەرپرسیارێتی هێرشەکەیان ڕاگەیاند.
وتەبێژی پۆلیسی سۆماڵ عەبدیفەتاح عەدان وتی " بەهۆی تەقینەوەکەوە هەشت هاوڵاتی مەدەنی کوژراون و 17 کەسی دیکە برینداربوون."
لە ماوەی ڕابردوودا بەرپرسی ئاسایشی سۆماڵ محەمەد عەبدیلاهی بە دەزگای هەواڵی فرانس پرێسی وت تەقینەوەکە بەهۆی تەقینەوەی ئوتومبێلێکەوە بووە کە بووە هۆی برینداربوونی 11 خوێندکار.
وتی " ئامانجی هێرشەکە نازانین."
ئەلشەباب بەرپرسیارێتی هێرشەکەی ڕاگەیاند و وتی ئامانجەکەیان " ڕاهێنەرە سەربازییەکان " بووە.
ئەلشەباب بەرپرسیارێتی دوو هێرشی دیکەیان لە مانگی نۆدا ڕاگەیاندووە کە بە هەردوو هێرشەکە 17 کەس کوژران.
لە تەقینەوەی ئوتومبێلێکدا لە 25 ی مانگی نۆدا لەنزیک باڵەخانەی سەرۆکایەتی سۆماڵەوە هەشت کەس کوژران، لەنێو کوژراوەکاندا ڕاوێژکاری سەرۆک وەزیری سۆماڵ بۆ کاروباری ئافرەتان و مافەکانی مرۆڤ، هیباق ئەبوبەکری تێدا بووە.
نۆ ڕۆژ لەوەوبەر، لە تەقینەوەیەکی دیکەدا لە نزیک خاڵێکی پشکنین لە مەقدیشۆ 9 کەس کوژران، زۆربەی کوژراوەکان سەر بە هێزەکانی ئاسایشی سۆماڵ بوون.
سەرچاوە/ فرانس پرێس