به‌پـێی ڕاپۆرتی چالاكانی مافه‌كانی مرۆڤ له پاره‌وه له شه‌قامه‌كانی شـاری سنه فه‌رهادی حاجی میرزایی له لایه‌ن وه‌زاره‌تی ئیتلاعاته‌وه ڕفێندراوه و ئێسـتا له به‌ندیخانه‌ی 209 ی ئه‌ڤینه و ناهێڵن بنه‌ماڵه‌كه‌ی چاویان پـێی بكه‌وێت.
هاوكارمان سه‌ڵاحی پـێرۆتی له‌و باره‌یه‌وه وتووێـژێـكی له‌گه‌ڵ دكتۆر ڕه‌مه‌زانی حاجی مه‌شـهه‌دی پارێزه‌ری فه‌رهادی حاجی میرزایی سـازكردووه و پاشـان ڕاپـۆرتێـكی له‌سه‌ر ئاماده‌كردووه.
دكتۆر ڕه‌مه‌زان ده‌ڵێت ئه‌وه‌ی فه‌رهادی حاجی میرزایی داوای كردووه تاوان نیـیه چونكه حكومه‌تی ئیسلامیش ئیدعای دادوه‌ری و سۆز ده‌كات و خۆی به حكومه‌تی هه‌ژاران داده‌نێت، بۆیه جێگای ئه‌و و گه‌نجه‌كانی تری كه پارێزه‌ریـیان لێ ده‌كه‌م گرتووخانه نیـیه.
ده‌توانن گوێبیسـتی ده‌قی ڕاپـۆرته‌كه بن له ڕێـگه‌ی كلیـكـكردنی ئه‌و فایله ده‌نـگیـیه‌ی سه‌ره‌وه، ماوه‌كه‌ی 6 خوله‌كه.
