ده‌یان ده‌له‌گاسیۆنی به‌شـدار له کۆنفرانسه‌که‌ی نه‌ته‌وه یه‌کگرتووه‌کاندا که سه‌باره‌ت به ڕه‌گه‌زپه‌رسـتیـیه چوونه‌ته ده‌ره‌وه، هاوکاتی ئه‌وه‌ی مه‌حمود ئه‌حمه‌دی‌نه‌ژاد سه‌رۆکی ئێران وتاره‌که‌ی پـێشـکه‌ش ده‌کرد.
ده‌له‌گاسـیۆنه‌کانی ئه‌وروپا و که‌نه‌دا وه‌ک ناڕه‌زایـی به‌رامبه‌ر ڕه‌خنه‌کانی سه‌رۆکی ئێران ئه‌و هه‌ڵوێسـته‌یان وه‌رگرتووه که ڕه‌خنه‌ی له دامه‌زراندنی ئیسـرائیل و ئاواره‌کردنی فه‌له‌سـتینیـیه‌کان ده‌گرت.
هه‌ندێـک له‌وانه‌ی له هۆڵی کۆنفراسه‌که‌دا مابوونه‌وه له ژنێڤ گاڵـته‌یان به سه‌رۆکی ئێران ده‌کرد و مه‌حمودی ئه‌حمه‌دی‌نه‌ژادیش بزه‌یه‌کی بۆ ده‌کردن و ده‌ستی ده‌کرده‌وه به وتاره‌که‌ی.
له ده‌می ده‌سـپـێـکی وتاره‌که‌ی سه‌رۆکی ئێراندا یه‌کێـک له دوو خۆپـیشـانده‌ری ناڕه‌زایی ده‌ربڕ شـتێـکی گرته سه‌رۆکی ئێران به‌ڵام به‌ری نه‌که‌وت. پاسه‌وانانی ئاسایشی خۆپـیشـانده‌ره‌کانیان کردۆته ده‌رێ.
