دادگای شـۆڕشی کۆماری ئیسلامی ئێران حوکمی ئیعدامی چوار که‌سی داوه به تاوانی ئه‌وه‌ی ده‌سـتیان له خۆپـیشـاندانه‌کانی دژ به هه‌ڵـبژاردنه‌وه‌ی مه‌حمود ئه‌حمه‌دی‌نه‌ژاد به سه‌رۆکی وڵاتدا هه‌بووه.
دکتۆر حسێن خه‌لیقی سیاسه‌توان و سه‌رۆکی ئنسـتـتیوتی کوردی له سوید له گفتوگۆیه‌کدا له‌گه‌ڵ هاوکارمان کاوه کرمانج له‌و باره‌یه‌وه ده‌ڵێت ئه‌و حکومی ئیعدامانه هیچ بنه‌مایه‌کی یاسـایی‌یان بۆ نیـیه، چونکه یاسایه‌ک نیـیه سـزای ئیعدام بۆ که‌سێـک بـبڕێته‌وه که به شێوه‌یه‌کی ئاشـتیخوازانه داوای مافی خۆی بکات. ده‌شڵێت بێگومان مه‌به‌ست له‌م حوکمانه چاوترسـاندنی خه‌ڵکی ئێرانه.
ده‌توانن گوێبیسـتی ده‌قی گفتوگۆكه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی ده‌سته چه‌پ، ماوه‌كه‌ی 6:42 خوله‌كه.
