کاربه‌ده‌ستانی سوریا ده‌ڵێن به‌هۆی ته‌قینه‌وه‌ی پاسێک له دیمه‌شقی پایته‌ختی سوریا که زیاره‌تچیانی ئێرانی تێدا بوون به لایه‌نی که‌م 3 که‌س گیانیان له‌ده‌ست‌داوه.
وه‌زیری ناوخۆی سوریا سه‌عید محه‌مه‌د سه‌مور ده‌ڵێت ئه‌و ته‌قینه‌وه‌یه هێرشی تیرۆرستی نه‌بووه و له کاتێـکدا ڕووی‌داوه که تایه‌یه‌کی پاسه‌که له به‌نزینخانه‌یه‌کدا ده‌گۆڕا.
ئه‌و ده‌ڵێت دوو که‌سه‌که‌ی که خه‌ریکی تایه گۆڕینه‌که بوون له‌گه‌ڵ شـۆفێره‌که‌دا گیانیان له‌ده‌سـت‌دا.
ئه‌و ڕووداوه ئه‌مڕۆ پێنجشه‌مه لای مه‌رقه‌دی سه‌یده زه‌ینه‌ب، که مه‌زارگه‌یه‌کی شیعه‌کانه و زیاتر ئێرانیـیه‌کان ده‌چنه سه‌ری ڕوویدا.
