پاش نیوەڕۆی ئەمڕۆ دووشەممە لە دەوروبەری کاژمێر 4 پـێنج گولـلە خومپارە گیراونەتە ناوەندی شاری عەفرین و لە ئاکامدا 2 کەس برینداربوون.
بەپـێی ڕاپـۆرتەکان گولـلە خومپارەکان لە ڕۆژئاوای ئیعزازی نزیک عەفرین گیراونەتە شارەکە. ڕۆژئاوای ئیعزاز لە ژێر دەسەڵاتی بەرەی ئەلشامیـیەیە کە گروپێـکی سەر بە لەشکری ئازادن ونێوانیان لەگەڵ هێزەکانی یەپەگە و جەیش ئەلسوار باشە، بەڵام گومان دەکرێت لە لایەن چەکدارانی سەر بە ئەحرار ئەلشامەوە هەڵدرابن.
جێی ئاماژەیە دوێنی یەکشەممە هەردوو گوندی گەشتەعار و مالیکیـیە لە بەرەی نوسرە و ئەحرار ئەلشام پاککرانەوە، بۆیە پـێدەچێت ئەم هێرشە لە تۆڵەی ئەوە بووبێت. هێشتا شەڕەکە لە نێوان جەیش ئەلسوار لە لایەک و بەرەی نوسرە و ئەحرار ئەلشام لە لایەکەی تر بەردەوامە.
