له‌م ده‌مه‌ی دادگایه‌کی ئێرانی حوکمی مه‌رگی بۆ پـیاوێـکی ئه‌مه‌ریکایی ده‌رکردووه به تاوانی سیخوڕیکردن بۆ ئاژانسی ناوه‌ندی زانیاری وڵاته یه‌کگرتووه‌کانی ئه‌مه‌ریکا هاوکات ڕایگه‌یاند ده‌سـتیکردووه به پـیتاندنی یۆرانیۆم له دامه‌زراوێـکی ژێر زه‌مینیدا که ته‌واو پارێزراوه له شیانه‌کانی هه‌ر هێرشێـکی ئاسـمانی.
ئه‌حمه‌د ئه‌سکه‌نده‌ری شیکه‌ره‌وه‌ی سیاسی و شاره‌زا له بواری ئێران له سوید ده‌ڵێت هه‌ل و مه‌رجێکی هه‌ستیار هه‌یه له ئیستاکه‌دا له ئێراندا که ده‌یه‌وێت که‌ڵك له هه‌موو ده‌رفه‌تێك وه‌ربگرێت و شتێك بکات به‌رپێچی ئه‌مه‌ریکا بداته‌وه. هه‌ست ده‌کات به روخاندنی چه‌ندین رژێم له رۆژهه‌ڵاتی ناوه‌راستدا له‌وانه‌یه ڕه‌وشه‌که له‌وانیش تێکبچێت.
ده‌توانن له ڕێی کلیک کردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ گوێبستی ته‌وای گفت و گۆکه بن که ماوه‌که‌ی 8:00 خوله‌که.
