له‌گه‌ڵ که‌وتنه گه‌ڕی کۆنگره‌ی لوتکه‌یی وڵاتانی عه‌ره‌بی له به‌غدای پایته‌ختی عێراق، پرسیاری زۆر په‌یدا بوون له‌سه‌ر ئاستی سه‌رکه‌وتویی و ڕاده‌ی کاریگه‌رێتی ده‌رئه‌نجامه‌کانی ئه‌م کۆبوونه‌وه‌یه.
ئایا کۆنگره‌که ته‌نها سومبولیـيه یان هه‌ر وه‌کو کۆنگره‌کانی تر ده‌بێت، و گرنگی ئه‌م کۆبوونه‌وه‌یه بۆ عێراق به گشتی و بۆ کورد به تایبه‌تی چیـيه؟
دکتۆر بایه‌زید حه‌سه‌ن ئه‌ندامی په‌رله‌مانی عێراق له‌سه‌ر لیستی گۆڕان و ئه‌ندامی لیژنه‌ی نه‌وت و وزه له په‌رله‌ماندا ده‌ڵێت، کۆنگره‌که یارمه‌تیده‌ر ده‌بێت بۆ ڕاکێشانه‌وه‌ی عێراق بۆ ناو ژینگه‌ی عه‌ره‌بی به‌ڵام هاوشێوازی کۆنگره‌کانی ڕابردوو بڕیاره‌کانی ئه‌م کۆنگره‌یه هێند کاریگه‌ریان نابێت.
