له ڕاگه‌یاندنی کۆتایی کۆبونه‌وهکه‌ی ڕۆژی شه‌ممه‌ی ژماره‌یه‌ک له ڕێبه‌رانی عێراق (جه‌لال تاڵه‌بانی ، ئوسامه ئه‌لنوجه‌یفی ، مه‌سعود بارزانی ، ئه‌یاد عه‌لاوی ، موقته‌دا ئه‌لسه‌در) که له هه‌ولێر کرا جارێکی تریش جه‌خت له پێویستی به کۆتاییهێنان کرا به قه‌یرانی سیاسی وڵاته‌که و هه‌روه‌هاش جێبه‌جێکردنی ڕیکه‌وتننامه‌ی هه‌ولێر.
به‌کر حه‌مه سدیق، ئه‌ندامی په‌رله‌مانی عێراق له‌سه‌ر لیستی یه‌کگرتوی ئیسلامی ده‌ڵێت ده‌رفه‌تیش و کاتیش ماوه بۆ جیبه‌جێکردنی ئه‌و ڕیکه‌وتنه‌ی هه‌ولێر که ئه‌م حکومه‌ته‌ی ئێستای له‌سه‌ر دامه‌زرا ، به‌ڵام گرفته‌که له‌وه‌دایه ئایا خواست بۆ چاره‌سه‌رکردنی ئه‌م قه‌یرانه هه‌یه یان نا؟
له میانه‌ی وتووێژه‌که‌یدا له‌گه‌ڵ به‌ڵێن ساڵح ، به‌ڕێز سدیق ئاماژه‌ش به‌وه ده‌کات نوری ئه‌لمالیکی سه‌ره‌ک وه‌زیری عێراق له ناو ماڵی شیعه‌شدا ڕوانینی جیای له‌سه‌ره و ئه‌ڵته‌رناتیڤیش هه‌یه هه‌ر له ناو شیعه‌کانی عێراقدا و ده‌شڵێت لادانی مالیکی کارێکی قورس نییه.
ده‌توانن له ڕێی کلیککردنی ئه‌و فایله ده‌نگیه‌ی سه‌ره‌وه‌ی ده‌سته چه‌پ گوێبیستی ته‌واوی وتووێژه‌که بن که ماوه‌که‌ی 6:20 خوله‌که.
