لە وتووێژێک لە گەڵ دەنگی ئەمەریکا، ئیبراهیم جەهانگیری ، توژێنەری سیاسی لە کانادا دەڵێت لە ماوەی دوو حەوتووی ڕابردوو دا ژمارەی ئەو کەسانەی تووشی ڤایرۆسی کۆڕۆنا بوونە هەروا زیاتر دەبێت. لە بەر ئەم هۆیە، دوکانەکان و فرۆشگا گەورەکان بە گشتی داخراون، مەگەر ئەوانەی بە شێوەیەکی پێویست بن. بەڵام ناوەندەکانی وەک دەرمانخانەکان کە زۆر پێویستن کراوەنە.
جەهانگیری هەروەها ئاگایی دەدات هەر چەند خەڵکێکی زۆر هەنە کە موسوڵمانن و هات و چۆی مزگەوتەکان دەکەن، حکومەتی کانادا هەر پێش قەرەنتینەش دیاری کردبوو کە رۆژانە زیاتر لە ١٠ کەس سەردان نەکەن. بەڵام، ئێستا کە قەرەنتینە کراوە، هیچ کەس حەقی هات و چۆی بۆ مزگەوتەکان نیە.
