به گوێره‌ی ئامارە نافەرمییەکان لە 16ی ئۆکتۆبەرەوە لە سنووری خورماتوودا، نزیکەی 100 ماڵ تەقێندراونەتەوە و 300 ماڵیش سووتێندراون.
ھاوار عەباس وەک نوێنەری خۆپێشاندەران بەیاننامەیەکی ئاراستەی دەسەڵاتدارانی حکومەتی ھەرێمی کوردستان کرد و گوتی: وا بۆ دوو ساڵ دەچێت، حکومەتی ھەرێمی کوردستان و سەرۆکایەتی ھەرێم و پەرلەمان ھەنگاویان بۆ چارەسەرکردنی دۆخی ناھەمواری خورماتوو نەناوە و کاتێکیش وەفدەکانیان لەسەر ئاستی باڵا سەردانی بەغدا دەکەن، لە ناو کۆبوونەوەکان باسی خورماتوو ناکەن.بەشداربوویەکی دیکەی گردبوونەوەکەش بە ناوی عەلی دەلۆ دەڵێ: دوای رووداوەکانی شازدەی ئۆکتۆبەر، ژمارەی کورد لە سنووری خورماتوودا بەشێوەیەکی بەرچاو لە کەمی داوە.
