چه‌ند ڕۆژێـکه شاندێـکی هه‌رێمی کوردسـتانی عێراق له وڵاته یه‌کگرتووه‌کانی ئه‌مه‌ریکایه.
دکتۆر فوئاد حسێن سه‌رۆکی دیوانی سه‌رۆکایه‌تی هه‌رێمی کوردسـتان به ده‌نگی ئه‌مه‌ریکای گوت ئه‌وان ڕابۆچوونی هه‌رێمیان له به‌رامبه‌ر مه‌سه‌له‌کانی هه‌رێمی کوردسـتان و عێراق و پـێشـهاته‌کانی ڕۆژهه‌ڵاتی ناوه‌ڕاست بۆ ئه‌مه‌ریکایـیه‌کان باسکردووه.
پاشـان دکتۆر فوئاد حسێن باس له‌وه ده‌کات که ئه‌مه‌ریکایـیه‌کان گوتوویانه ئه‌وان په‌یوه‌ندیـیان له‌گه‌ڵ هه‌رێمی کوردسـتاندا زۆر تایبه‌ته. ده‌شڵێت ئێمه‌ش له به‌رامبه‌ردا داوامان کرد ناوه‌رۆکی ئه‌و په‌یوه‌ندیـیه تایبه‌ته‌مان بۆ ڕوونبکه‌نه‌وه.
هاوکارمان ده‌خیلی شه‌ممۆ ئه‌و گفتوگۆیه‌ی سـازکردووه، ده‌توانن گوێبیسـتی بن له ڕێـگه‌ی كلیـكـكردنی ئه‌و فایله ده‌نـگیـیانه‌ی سه‌ره‌وه‌ی ده‌سته چه‌پ، ماوه‌كه‌ی 6:57 خوله‌كه.
