شێوەکاری گەنج، گۆران محەمەد پێشانگایەکی هوونەری لە شاری سلێمانی دەکاتەوە کە خۆی لە ٢٠ تابلۆی هونەریدا ئەبینێتەوە و بەپێی خوێندنەوەی شێوەکار، تابلۆکان باس لە بوونی مرۆڤ و ئەوین دەکەن.
گۆران محەمەد لە لێدوانێکیدا بۆ دەنگی ئەمەریکا باسی لەوە کرد کە پێشانگاکەی ئەو بەرهەمی کارکردنی سێ ساڵی ڕابردووی ئەوە و لە ئێستادا خۆیان لە ٢٠ تابلۆدا ئەبیننەوە.
وتیشی کە کارە هونەرییەکانی ئەو "گەشتێکی ناوەوەی مرۆڤە و باس لە کۆمەڵێک پرسی بوون ئەکات، وەکو ئەوین."
گۆران محەمەد شێوەکارێکی گەنجی شاری ڕانیەیە و بۆ جاری سێهەمە پێشانگای هونەری تایبەت بەخۆی دەکاتەوە و لە ئێستادا پێشانگا هونەرییەکەی لە بینای ئەمنە سوورەکە لە سلێمانی نمایشدەکرێت.
