ماوه‌یه‌کی هێرشی تێرۆرسـتی له شـاری که‌رکوک و ده‌وروبه‌ری په‌ره‌ی سه‌ندووه و ئه‌مه‌ش بووه‌ته جێی نیگه‌رانی و ئه‌و پـرسیاره‌ی هێناوه‌ته ئاراوه ئایا ئه‌مه په‌یوه‌ندی به مه‌سه‌له‌ی کشـانه‌وه‌ی هێزه‌کانی ئه‌مه‌ریکا له عێراقدا هه‌یه.
هێمن کامیل ڕۆژنامه‌وان و نووسه‌ر له که‌رکوک له گفتوگۆیه‌کدا له‌گه‌ڵ هاوکارمان حه‌یده‌ر که‌ریم ده‌ڵێت ئه‌م ته‌قینه‌وانه‌ی دوایی جیاوازه له ته‌قینه‌وه‌کانی ڕابردوو، ئه‌و گرووپانه‌ی پـێشوو به‌رپرسیارێتی خۆیان ڕانه‌ده‌گه‌یاند، به‌ڵـکو گرووپـێـک که هه‌تا ئێسـتا نه‌ناسراوه له ماڵپه‌ڕێـکدا که پـێشـتر چالاکی لێ بڵاونه‌کراوه‌ته‌وه به‌رپـرسیارێتی خۆیان ڕاگه‌یاند. بۆیه جۆرێـک له ئاڵۆزی هه‌یه له‌م ڕووداوانه‌ی دوایی شـاری که‌رکوکدا.
ده‌توانن گوێبیسـتی ده‌قی گفتوگۆکه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی سه‌ره‌وه‌ی ده‌سته چه‌پ، ماوه‌كه‌ی 14:39 خوله‌كه.
