به گوێره‌ی ماڵپه‌ڕی "ڕۆژی کورد" شه‌ش به‌ندکراو به تاوانی به‌نگ و موخه‌ده‌رات "ماده هۆشبه‌ره‌کان" له به‌ندیخانه‌ی ناوه‌ندی شاری ورمێ سه‌ر له به‌یانی ئه‌مڕۆ چوارشه‌مه له سێداره دران که ناوه‌کانیان بریتین له :
عه‌وڵا قادری
عه‌لی ته‌لعه‌تی
موجته‌با شێرخانی
ڕه‌حمان فولادی
چنگیز شیری
عه‌بدول مه‌جید هێرکولی
له وتووێژێکی ته‌له‌فۆنی له گه‌ڵ ته‌یمور ئه‌لیاسی، نوێنه‌ری کۆمه‌ڵی مافه‌کانی مرۆڤ بۆ کوردستانی ئێران له ژێنێڤ، ده‌ڵێت له سێداره‌دانی ئه‌و به‌ندکراوانه پێشێلکردنی ئه‌و په‌یماننامانه‌ی نێونه‌ته‌وه‌یین که حکومه‌تی کۆماری ئیسلامی واژۆی کردوون.
هه‌روه‌ها به‌ڕێز ئه‌لیاسی زانیاری ده‌دات که له وه‌تا هاتنه‌سه‌رکاری کۆماری ئیسلامی هه‌تا ئێستا ئه‌و حکومه‌ته نزیکه‌ی 15،000 به‌ندکراوی به تاوانه‌کانی به‌نگ و موخه‌ده‌رات واتا ماده هۆشبه‌ره‌کان له دار داوه.
